ენგურჰესს საერთაშორისო აკრედიტაციის მქონე წამყვანი აუდიტორების ჯგუფი ეყოლება

ენგურჰესში თანამშრომელთა კვალიფიკაციის ამაღლება გრძელდება. ამჯერად ხარისხის მართვის სამსახურის უფროსმა გიორგი ვეკუამ და წამყვანმა სპეციალისტმა ბაჩანა ბაძაღუამ ინტეგრირებული მენეჯმენტის სისტემების წამყვანი აუდიტორების სასწავლო-სასერტიფიკაციო კურსი ყაზახეთის ქალაქ ალმათიში გაიარეს. 

აღნიშნული პროექტი საერთაშორისო სასწავლო ცენტრ JLB Australia-სა და საერთაშორისო სასერტიფიკაციო ორგანო TQCSI-ს ორგანიზებით განხორციელდა. კურსი EXEMPLAR GLOBAL-ის მიერ არის აკრედიტებული. 

კურსის წარმატებით დასრულების შემდეგ მონაწილეებს შესაბამისი სერტიფიკატები გადაეცათ. აღნიშნული ინიციატივის შედეგად, ენგურჰესს საერთაშორისო აკრედიტაციის მქონე წამყვანი აუდიტორების ჯგუფი ეყოლება.