3-თვიანი რეაბილიტაციის შემდეგ დღეს ენგურჰესი კვლავ ამუშავდა- WWW.BM.GE

27 აპრ 2021

 

საქართველოს უმსხვილესი ელექტროსადგური "ენგურჰესი" 3-თვიანი რეაბილიტაციის შემდეგ კვლავ ჩაირთო - ამის შესახებ ინფორმაციას ჰიდროელექტროსადგურის ადმინისტრაცია ავრცელებს.

 

"2021 წლის 27 აპრილს, 17:40 საათზე ენგურჰესი ერთიან ქსელში ჩაერთო. სადერივაციო გვირაბის სარეაბილიტაციო სამუშაოების წარმატებით დასრულების შემდეგ, ქვეყნის უდიდესი ჰიდროლექტროსადგურის ჰიდროაგრეგატები უკვე ამუშავდა.

 

ვულოცავთ თითოეულ ენგურჰესელს, ყველა იმ ადამიანს, ვინც რეაბილიტაციის პროცესში იყო ჩართული და საქართველოს ენერგეტიკის გულშემატკივრებს ამ მნიშვნელოვან მოვლენას!

 

აღსანიშნავია, რომ 2021 წლის 20 იანვარს, სადერივაციო გვირაბის რეაბილიტაციის მიზნით, ენგურჰესი გაჩერდა. სარემონტო სამუშაოები 24-საათიან რეჟიმში მიმდინარეობდა. გვირაბის რეაბილიტირებული მონაკვეთის ინსპექტირება ქართველმა და უცხოელმა სპეციალისტებმა ერთობლივად განახორციელეს. მხარეების შეფასებით, შესრულებული სარემონტო სამუშაოები დადგენილ სტანდარტებს სრულად აკმაყოფილებს," - ნათქვამია სადგურის მიერ გავრცელებულ განცხადებაში. 

 

ვრცლად

3-თვიანი რეაბილიტაციის შემდეგ დღეს ენგურჰესი კვლავ ამუშავდა- WWW.BM.GE